Plantun de Prouvènço

Pèr coumpara dos planto d'encò nostre

Ulmus glabra & Phlomis fruticosa

Ulmus glabra

Ulmaceae

Noms en français : Orme de montagne, Orme glabre.

Descripcioun :
L'ourme trachis dins li relarg umide de mountagno e souvènt dins li gaudre. Sèmblo proun à l'ourmèu, Ulmus minor, pamens l'aubre èi mai grand. Se recounèis à si fueio emé proun de costo o qu'an tres pouncho (aubre jouine). Lou fru èi peréu mai grand e la grano èi pu basso (mai liuen dóu pecou).

Usanço :
Dèu agué li mémis usanço que l'ourmèu.

Port : Aubre
Taio : 5 à 30 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Ulmus
Famiho : Ulmaceae

Ordre : Rosales

Coulour de la flour : Roso
Petalo : ges
Ø (o loungour) flour : 1 à 2 mm
Flourido : Printèms Ivèr

Sòu : Ca (Si)
Autour basso e auto : 100 à 1700 m
Aparado : Noun
Febrié à abriéu

Liò : Fourèst - Gaudre
Estànci : Subremediterran à Mountagnard
Couroulougi : Éurasiano
Ref. sc. : Ulmus glabra Huds., 1762

Sàuvi(-de-Jerusalèn)

Phlomis fruticosa

Lamiaceae Labiaceae

Noms en français : Phlomis ligneux, Sauge de Jérusalem.

Descripcioun :
La sàuvi-de-Jerusalèn, que fai partido dóu gènre Phlomis e noun pas Salvia, trachis d'aqui, d'eila, dins li roucaio e li relarg secarous. Nous vèn de la Mieterrano d'Asìo e èi souvènt plantado coume sebisso. A la primo fai un poulit bouissoun emé si gròssi flour jauno en casco. Li bratèio an la meme formo que li fueio, aquéli an un pecou que se destrìo bèn, au contro dóu tèto-lèbro o sàuvi-de-mountagno que trachis naturalamen dins nòsti colo. Coumpara emé lou tèto-lèbre.

Usanço :
En Sicilo e en Turquìo la planto sèr pèr assaboura lou manja (F. Couplan, op.cit. p. 369). D'ùni prouprieta anti-óussidanto e anti-enflamativo soun estado troubado.

Port : Aubret
Taio : 40 à 100 cm
Fueio : óupousado
Tipe bioulougico : Faneroufite
Cicle bioulougico : Planto renadivo

Gènre : Phlomis
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 2 à 3 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mars à jun

Liò : Relarg à jóuinis aubret - Roucaio - Tepiero seco
Estànci : Termoumediterran à Mesoumediterran
Couroulougi : Óurigino Estenoumediterrano-Nord-Ouèst
Ref. sc. : Phlomis fruticosa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Ulmus glabra & Phlomis fruticosa

ges

Coumpara Ourme emé uno autro planto

Coumpara Sàuvi(-de-Jerusalèn) emé uno autro planto